Ndërtimet në Lumin Vjosë, Qato dhe Klosi inspektim, pezullohen menjëherë punimet: Është makabritet

Ministrat Blendi Klosi e Sonila Qato  ditën e sotme ishin prezent në punimet që po  kryhen në luginën e Vjosës nga fabrika Trebeshina me përfaqësues Hari Lenën.

“Shuplaka” mëson se ministrat e kanë cilësuar makabër këtë veper si dhe është bërë pezullimi i menjëhershëm i punimeve nga kryetari i bashkisë,  Klemend Ndoni.

Kreu i bashkisë Ndoni ka pohuar se pranë bashkise së Këlcyrës në datën 9 shtator është bërë kerkesa për leje nga zoti Hari Lena por që është refuzuar nga bashkia. Pretendohet se Hari Lena do të bënte një depozite për kultivimin e ujit duke marre ujin e burimit.

Sjellim në vemendje që vetëm dy ditë më parë  Klement Ndoni ka folur për ‘’Shuplakën” në lidhje me skandalin e punimeve në shtratin e Vjosës.

“Mesa di unë ky ndërtim ka filluar në fillim të muajit shtator, për momentin janë çuar vetëm material, kur kemi shkaur bashkë me Policinë nuk kemi gjetur njeri, i është lënë detyrë Policisë së Rendit që të gjejë se kush janë personat që po bëjnë këto punime. Tek ne nuk është paraqitur asnjë njeri, Policia ka ardhur te ne që të marrë mendimin në lidhje me punimet. Më pas është depozituar nga zoti Hari Lena për të kërkuar leje dhe ne nuk i kemi dhënë”, shprehet më tej kreu i Bashkisë.

Kryebashkiaku  u shpreh se disa nga shkaqet që leja nuk është dhënë janë sa mjedisore po aq edhe ligjore, pasi sipas tij deri në përfundimin e planit rregullues Bashkia nuk ka të drejtë që të jap leje.

‘’Edhe njëherë në momentin që kanë shkuar Policët është në fillim të shtatorit, sot nuk kam shkuar në terren, pasi çështja po mbahet në mbikqyrje nga Policia e Rendit. Tani të shkojnë personat e urbanistikës.

Kur kemi shkuar për herë të parë kemi mbajtur procesverbalin, dhe nuk ka ndryshim nga atëherë, është e njëjta që kanë dalë në foto, fotot që po qarkullojnë janë të shtatorit.

Ka shumë gjëra se pse nuk e kemi pranuar kërkesën e zotit Lena, që është nga shtrati i lumit, deri të moskompetenca e Bashkisë për të dhënë leje. Nga informacionet e mia kjo është situatë që në fillim të shtatorit dhe kjo nuk është e sotshme”, përfundoi Ndoni për ‘’Shuplakën”. (J.V/Shuplaka)