I ftuar në “Fax News” ambientalisti Lavdosh Ferruni deklaroroi se ndotja në Tiranë shtë në nivele të larta pasi ka dendësi të lartë të popullsisë, ndërkohë që shtoi se shtimi i popullsisë në kryeqytet, ashtu siç parashikohet do ta bëjë Tiranën të pabanueshme për shkak të ndotjes.
Ferruni u ndal edhe tek projekti i incineratorëve, duke thënë se një i tillë do të shtonte edhe më shumë ndotjen në Tiranë, shqetësues tha ai se me incineratorët Shqipëria ka dalë nga rruga që ndjekin vendet e BE-së që janë pakësimi në radhë të parë, ripordorimi dhe riciklimi.
“Në Tiranë kemi një problem të madh me ndotjen edhe për në perspektivë. Vendimarrja politike po e stimulon rritjen e popullsisë në Tiranë. Tirana ka 15 mijë banorë për km/katrorë, ndërsa qytetet europiane kanë 3-6 mijë banorë për km/katrorë.
Edhe projekti “Tirana 2030” është një nonsense pasi shikon shtimin e ndërtimeve. Duhet që të bëhet presion në lidhje me këtë problem. Kemi tani edhe këtë inceneratorin që do vihet në Tiranë, që dihet se do të sjellë ndotje
Nëse vazhdohet në këtë mënyrë Tirana do të bëhet e pabanueshme në të ardhmen. Nëse ka një plan stratëgjik që Tirana të bëhet 1.5 milionë do të jepen leje ndërtimi. Aktualisht po shoh një politikë të gabuar në lidhje me ndotjen, këtë ma konfirmon edhe projekti për incineratorët. Incineratorët mund të na çojnë prap tek importi i plehrave”, tha Ferruni në “Fax News” . (B.H/Faxweb)
