Tashmë janë hapur të gjitha qendrat e votimit në gjithë territorin e Kosovës të cilat do të qëndrojnë të hapura deri në ora 19:00 dhe përgjatë 12 orëve personat me të drejtë vote do të mund t’u drejtohen kutive të votimit për të zgjedhur deputetët dhe qeverinë e re që do ta udhëheqë Kosovën për 4 vitet e ardhshme.
Për të garuar në këto zgjedhje janë certifikuar 28 subjekte politike me 1280 kandidatë për deputetë.
Po ashtu sipas KQZ’së në listën votuese janë 1 milion e 970 mijë e 944 votues.
Në Kosovë të hapura do të jenë 903 qendra të votimit, ndërkaq në secilën komunë do të ketë nga një qendër ku do të mund të votohet me kusht.
Ndërsa numri i personave që janë regjistruar për të votuar jashtë Kosovës është mbi 104 mijë.
Këto do të jenë zgjedhjet e para që do të organizohen me praninë e kamerave.
Discussion about this post