Një tjetër operacion gjigand i policisë së Firences i përfunduar sot në mëngjes herët ka sjellë shkatërrimin e një organizate ndërkombëtare të trafikut të drogës.
Operacioni i policisë italiane është ndihmuar edhe nga policia e Holandës, prej nga droga vinte në Itali. Ajo që përbën risi në këtë rast është fakti se Holanda ka shërbyer si tranzit mes Shqipërisë dhe Italisë, sipas asaj që thonë mediat italiane. Përfituesit e parave i riinvestonin, duke rritur edhe xhiron e prostitucionit, shkruan ”Notize.it”.
Në përfundim të operacionit të përbashkët kanë përfunduar në pranga 14 persona, me akuzën e trafikut ndërkombëtar të lëndëve të ndaluara, ndërkohë që është sekuestruar një ton drogë.
Për momentin nuk dihen shumë detaje nga operacioni, në pritje të njoftimit zyrtar të tyre nga policia.
(E.K/FAXWEB)
