Një mungesë globale për prezervative mund të shkaktoje kriza e krijuar në mbarë botës si pasojë e pandemisë së koronavirusit.
Prodhuesi me i madh në botë për prezervativë ka njoftuar se në terma aftagjatë do të ketë mungesë pasi për shkak të pandemisë është detyruar që të ndalojë prodhimin si pasojë rregullave të vëna nga qeveria për parandalimin e COVID 19.
Karex Bhd Malajzi prodhon një në çdo pesë prezervativë globalisht. Prej 19 ditësh tashmë në asnjë nga tre fabrikat që ndodhen në Malajzi nuk është prodhuar asnjë prezervativ i vetëm.
Ky ndalim ka krijuar një mungesë tashmë prej 100 milion prezervativësh, që normalisht tregtohet ndërkombëtarisht nga marka të tilla si Durex, për të furnizuar për sistemet shtetërore të kujdesit shëndetësor.
Shefi Ekzekutiv i Karex Goh Miah Kiat u shpreh për mediat se do të ketë një shkurtim global të sasive të prezervativëve në mbarë globi.
“Do të kemi një shkurtim global të sasive të prezervativëve kudo dhe kjo është e frikshme. Unë jam i shqetësuar se për shumë programe humanitare në zonat e thella të Afrikës mungesa nuk do të jetë vetëm dy javë ose një muaj. Kjo mungesë mund të zgjasë me muaj të tërë.”
Vendet e tjera të mëdha prodhuese të prezervativëve janë Kina, ku edhe e ka origjinën koronavirusi dhe aty fabrikat u mbyllën si masë shtrënguese, dhe India e Tajlandë.
