“Ne nuk hamë bar”, Haradinajt s’i del inati me Ramën: Po bëhet nervoz, unë nuk hesht dot për ndarjen e Kosovës

Kryeministri në detyrë i Kosovës, Ramush Haradinaj vijon ta ketë në qendër të sulmeve homologun e tij shqiptar, Edi Rama. Ky i fundit, gjatë konferencës së mbajtur në Tiranë pas takimit të minishengenit, e quajti Haradinajn gënjeshtar.

Kjo deklaratë “nxehu gjakrat” mes dy liderëve. Së fundmi Haradinaj e ka akuzuar sërish kryeministrin tonë se po tenton ndarjen e Kosovës. Në një intervistë për “KosovaPress”, Ramush Haradinaj ka deklaruar se po i bëhet presion që të heqë taksën ndaj Serbisë, me qëllim që kjo e fundit të përfitojë.

“Po ai po bëhet nervoz, ai duhet ta kuptojë që bar nuk hamë në Kosovë, ne me këto tema jetojmë gjithë kohën, ne nuk kemi qare pa i nxjerr në dritë këto probleme, nuk mundemi me i hesht.

Imagjinoni unë me hesht presionin për ndarje të Kosovës ose presionin që me i bë Kosovës lojëra të ndryshme që me kyç në ndonjë proces ku Kosova nuk vjen në sistem realisht, në mënyrë që Kosova me heq taksën dhe Serbia të përfitojë prej tregut tonë pa asnjë efekt pozitiv për Kosovën, kjo është e pakuptimtë”, ka deklaruar Ramush Haradinaj.