Në prag të Samitit, Rama nga Brukseli jep lajmin e keq: Unë nuk pres të zgjidhet asgjë! 26 vende të tjera të BE-së shohin këtë “pengmarrje”…

Kryeministri Rama ka mbërritur në Bruksel, në kuadër të samitit 2-ditor të BE.

Rama ka folur para gazetarëve dhe ka ritheksuar se nuk pret që të zgjidhet asgjë me çështjen Bullgare. Megjithatë kryeministri u shpreh se nëse kjo zgjidhet do të jetë një sinjal pozitiv për të marrë frymë.

“Unë ju kam thënë edhe më parë. Përkundër optimizmit të ngutur të disave, unë nuk pres të zgjidhet asgjë në Bullgari por ndërkohë nëse do të zgjidhet do të jetë një motiv për të marrë frymë të lehtësuar nga pengmarrje e një vendi të NATO-s të dy vendeve të NATO-s në kulmin e një lufte të nxehtë në kufijtë e Europës dhje nën vështrimin e 26 vendeve të tjera që shohin si yjet që vështrojnë”, u shpreh Rama.

Lliderët e BE-së mblidhen sot në një samit 2-ditor në Bruksel. Liderët evropianë pritet të nënshkruajnë rekomandimin e javës së kaluar të Komisionit Evropian, për t’i dhënë Ukrainës dhe Moldavisë statusin e vendit kandidat.

Sa i përket Ballkanit Perëndimor, udhëheqësit e BE pritet gjithashtu të shprehin angazhimin e plotë dhe të qartë të bllokut ndaj perspektivës së anëtarësimit të rajonit në bllok dhe të bëjnë thirrje për përshpejtimin e procesit të anëtarësimit.