Ministrja e Arsimit, Lindita Nikolla, është kthyer pas në kohë, duke rrëfyer për kohën kur ajo u dashurua me bashkëshortin e saj dhe raportin e tij me të, renditur këtu kontributin që ai i ka dhënë në fillim të karrierës së saj.
Në një rrëfim për “Vila 24”, ajo ka treguar se u dashurua me Ligorin (bashkëshortin) në vitin e dytë të fakultetit dhe ai ka qenë veçse një bashkëshort dhe baba i mirë, edhe një universitet i dytë për të, një “çekan mbi kokë” siç shprehet ajo në kuptimin e mirë të fjalës.
“Në vit të dytë të fakultetit, unë dashurohem. Për mua ka qenë jo vetëm një shok jete, babai i vajzës sime dhe dashuria e jetës sime por dhe një universitet i dytë.
Kujtoj debatet tona, kujtoj posaçërisht se sa i rëndësishëm ishte Ligori kur fillova të jap mësim në gjimnazin “Petro Nini” por dhe në gjimnaze të tjera.
Atë kohë Ligori ishte për mua një çekan, në kuptimin e mirë të fjalës. Më ka shërbyer shumë edhe me testet që bënte duke më udhëhequr në rrugën time në arsim.”, ka rrëfyer ministrja lidhur me bashkëshortin e saj.
(XH.A/SHUPLAKA)
Discussion about this post