Kreu i Kuvendit Gramoz Ruçi dhe kreu i grupit parlamentar Taulant Balla, janë të dërguarit e kryeministrit Edi Rama të cilët do të jenë në Bruksel për të dëgjuar versionin e vendeve anëtare të Bashkimit Europian, për dhënien ose jo të rekomandimit për hapjen e negociatave.
Me sa duket, duke qenë se e ka pohuar edhe vetë se është pesimist për një përgjigje pozitive, Rama nuk ka dashur të jetë ai që do të dëgjojë nga krerët e BE-së një përgjigje negative të mundshme, por ka preferuar të dërgojë dy të afërmit e tij në Partinë Socialiste.
Që Balla dhe Ruçi do të jenë dy të deleguarit e Ramës, nuk është njoftuar zyrtarisht nga ky i fundit, ndërsa as eksponentë të qeverisë nuk e kanë bërë diçka të tillë.
(F.GJ/FAXWEB.AL)
