Përfaqësuesja e lartë e BE-së, Federica Mogherini në një konferencë të përbashkët me ministrin e Punëve të Jashtme, Ditmir Bushati në Bruksel ka folur për negociatat e Shqipërisë me BE-në. Për Mogherinin viti 2019 do të jetë një vit më i mirë për Shqipërinë.
“Jemi aleat me Shqipërinë. Shqipëria duhet të thellojë reformat që ka nisur. Besoj se 2019 do të jetë një vit i mirë për Shqioërisë. Shqipëria është në rrugë reformash mjaft delikate. Shqipëria qëndrimin pozitiv në Ballkanin Perëndimor. Do të vazhdojmë të punojmë së bashku”, u shpreh ajo.
Kujtojmë që në muajin qershor, vendet e BE në mbledhjen e mbajtur në Këshillin e Çështjeve të Përgjithshme, vendosën që negociatat për Shqipërinë dhe Maqedoninë të shtyhet pë vitin 2019.
Gjatë Këshillit të Çështjeve të Përgjithshme, të mbledhur në Luksemburg në atë kohë, ministrat e Jashtëm të vendeve të BE-së kanë debatuar në lidhje me çështjen e bisedimeve për anëtarësim me Shqipërinë.
Bullgaria, vendi që mban presidencën e radhës së BE, njoftoi përmes një postimi në Twitter se Këshilli ka rënë dakord që të shtyhet vendimi për Shqipërinë dhe Maqedoninë.
“Shtetet anëtare vendosën rrugën drejt hapjes së negociatave për anëtarësim me Maqedonisë dhe Shqipërisë në qershor 2019. Shqipëria: ka nevojë për përparim të mëtejshëm në reformën gjyqësore, luftën kundër korrupsionit, krimit të organizuar”, thuhej në njoftim.
(J.D/Faxweb.al)
