Ditën e nesërme do të mbahet seanca konstituive e Parlamentit të Kosovës, ku pikat kryesore të rendit të ditës do të jetë po ashtu edhe zgjedhja e kryetarit dhë nënkryetarit të Kuvendit.
Seanca pritet të mbahet në orën 10:00. Në seancë pritet të mos marrë pjesë koalicioni fitues i zgjedhjeve, PAN, edhe pse data 24 gusht ishte propozuar nga përfaqësues të këtij koalicioni.
Lideri i AAK-së, Ramush Haradinaj, është shprehur se është e domosdoshme krijimi i një qeverie stabël, dhe jo sa për të thënë.
“Nuk jemi aspak të interesuar që t’a bëjmë një qeveri sa për ta bërë. Vonesat kanë të bëjnë me gjetjen e një formule për institucione stabël qeverisëse dhe prandaj opinioni publik duhet të na mirëkuptojë. Është koha që partitë politike dhe udhëheqësit e tyre të reflektojnë dhe t’i pranojnë rregullat e lojës që na i ka percaktuar Kushtetuta dhe Gjykata Kushtetuese dhe t’a zhbllokojmë vendin. Ky vend nuk mund të jetë peng i inateve dhe kalkulimeve”, ka thënë Haradinaj.
(S.SH/Shuplaka)
