Manuel Neuer do të jetë titullar në Kupën e Botës, teksa do të mbrojë portën e kombëtares gjermane me misionin për të ruajtur titullin kampion dhe në Rusi.
Gardiani i portës së Bayern Munchen ia doli të rikthehet pas një kalvari të gjatë jashtë fushave të blerta për arsye dëmtimi dhe tashme ndihet gati për Botërorin: Jam mirë dhe kam gjetur besimin. Jam i bindur se do të paraqitem mirë në Rusi. Kam besim, jam shumë i motivuar dhe duhet të bëj shumë mirë punën time, sepse një portier nuk mund të tremb një ekip,”ka thënë fillimisht ai për “La Gazzetta dello Sport”.
Ditën që Buffon dha lamtumirën nga shtëpia e tij, Juventus, Neuer postoi një foto në rrjetet sociale në shenjë respekti për legjendën e portës italiane: Kam postuar një fotografi timen me fanellën e Buffon në rrjetet sociale në momentin që ai u tërhoq nga futbolli sepse kam respekt maksimal për të dhe karrierën e tij. Më vjen shumë keq që nuk do të jetë në Kupën e Botës.”
Ndërkohë, në lidhje me Gjermaninë ai tha: “Ka kohë që të gjithë duan të fitojnë kundër nesh, edhe kur nuk kemi qenë kampionë. Kemi më shumë përvojë se katër vite më parë, por të njëjtën uri dhe dëshirë për fitore.”
Discussion about this post