Nga dhuna në familje tek trafikimi i drogës, arrestohen 5 persona në Tiranë

Pesë persona janë vënë në pranga ditën e sotme në Tiranë. Mësohet se arrestimi i tyre ka ardhur pasi ata kanë kryer vepra të ndryshme penale.

Sipas njoftimit të policisë një 29-vjeçar është vënë në pranga pasi gjatë kontrollit fizik iu gjet lënde narkotike, kokainë. Ndërkohë një 34-vjeçar është arrestuar pasi ka ushtruar dhunë ndaj motrës së tij. Po për dhunë është arrestuar edhe një person tjetër i cili ka dhunuar ish-gruan e tij.

Dy arrestimet e tjera janë kryer nga policia rrugore pasi 20-vjeçari ka aksidentuar një 60-vjeçar ndërsa një 37-vjeçar u arrestua pasi po drejotne mjetin në gjendje të dehur.

Njoftimi i plotë:

Tiranë/Arrestohen 5 shtetas, për vepra të ndryshme penale. Specialistët për Hetimin e Narkotikëve arrestuan shtetasin T. H., 29 vjeç, banues në Tiranë, pasi gjatë kontrollit fizik, shërbimet e Policisë i gjetën dhe sekuestruan, në cilësinë e provës materiale, sasi lënde të dyshuar narkotike kokainë.

Specialistët për Hetimin e Krimeve të Komisariatit të Policisë Nr. 3 arrestuan shtetasin E. L., 34 vjeç, banues në Tiranë, pasi dyshohet se ka ushtruar dhunë ndaj motrës së tij. Specialistët për Hetimin e Krimeve të Komisariatit të Policisë Krujë arrestuan shtetasin Gj. M., banues në Krujë, pasi dyshohet se ka ushtruar dhunë ndaj ish-bashkëshortes së tij. Specialistët e Komisariatit të Policisë Rrugore arrestuan shtetasit:

– Xh. M., 20 vjeç, banues në Librazhd, pasi duke drejtuar automjetin tip ”Benz”, në Rrugën e Kavajës, ka aksidentuar shtetasen M. D., 60 vjeçe, e cila si pasojë është dëmtuar dhe ndodhet në spital, nën kujdesin e mjekëve; – B. F., 37 vjeç, banues në Tiranë, pasi u kap duke drejtuar automjetin në gjendje të dehur. Materialet i kaluan Prokurorisë.