Bizneset që furnizohen nga rrjeti 35 kilovolt, rrezikojnë të përballen më çmime më të larta të energjisë elektrike.
Sipas Revistës Monitor, nëse këto biznese do të vijojnë të përdorin rrjetin e OSHEE-së, pas liberalizimit në 2017-ën do kenë rritje të çmimit të energjisë.
Kjo sepse në janar të vitit të ardhshëm, OSHEE do instalojë një sistem të ri matës të energjisë elektrike në bizneset që konsumojnë nga tensioni 35 kilovolt.
Sipas revistës, instalimi i matësve ka nisur dhe sapo të përfundojë, bizneset do të njoftohen të dalin nga rrjeti i OSHEE-së. Por, nëse ata dështojnë të gjejnë një furnizues të ri atëherë ligji i jep OSHEE-së atributet e furnizuesit universal. Por siç shpjegojnë ekspertët e këtij operatori, në këtë rast tarifat do të jenë ndryshe.
Enti Rregullator të Energjisë (ERE) pritet të miratojë metodologjinë dhe çmimet e reja. Sipas entit, janë plot 8 indikatorë të kostos që do të përbëjnë çmimin e ri për bizneset e mëdha.
Klientët e lidhur në rrjetin e shpërndarjes 10 kv, 6 kv dhe 20 kv, pas datës 31 dhjetor 2016 nuk do të kualifikohen për t’u furnizuar nga Furnizuesi i Shërbimit Universal, njofton ERE.
Por nëse këto biznese nuk do gjejnë furnizues tjetër në tregun e lirë dhe OSHEE i ngelet opsioni i fundit, çmimet do të jenë më të larta.
Discussion about this post