Ministria e Arsimit Sportit dhe Rinisë ka publikuar listën emërore të anëtarëve të rinj të Bordeve të Administrimit, përfaqësues të MASR, në IAL-të publike.
Kujtojmë se Anëtarët e Bordeve u shkarkuan gjatë periudhës së protestave të studentëve ku në atë kohë Kryeministri Edi Rama I bëri ata fajtorë për situatën në të cilën në arsimin e lartë.
Ajo çfarë bie në sy në këtë listë janë përfshirja e emrave të njohur për opinionin public ku midis tyre janë këshlltarja e Kryeministrit, Odeta Barbullushi, analisti Lorenc Vangjeli, ish-deputeti i Partisë Socialiste, Namik Kopliku dhe pedagogu Oltjon Rrumbullaku. Nga ana tjetër si përfaqësues i studentëve në Universitetin Bujqësor të Tiranës është zgjedhur gazetari Marin Mema ndërsa Bujar Kapexhiu është zgjedhur përfaqësues i studentëve në bordin e Universitetit të Arteve.
Këto ndryshime vijnë zëvendësime vijnë pak muaj pas mbylljes së protestave nga ana e studentëve dhe kthimi i tyre nëpër auditore pas “Paktit për Universitetin” i cili u propozua nga Kryeministri Rama.
Ndërkohë nga ana ae tyre student të ndryshëm janë prononcuar herë pas here se ende kërkesat e tyre të shpalosura gjatë protestës së dhjetorit nuk janë plotësuar si dhe kanë paralajmëruar rinisjen e tyre në rast se nuk do të ketë një ndryshim të prekshëm të situatës në arsimin e lartë.
(F.GJ/FAXWEB.AL)
Discussion about this post