Gjithë bota sot ka folur për qytetin sirian të Aleppo-s, për shkak të ngjarjes tragjike që ndodhi sot, ku dhjetëra cililë humbën jetën si pasojë e bombardimeve.
Vetëm një ditë pasi u arrit armëpushimi, nisën sërish luftimet në qytetin e Aleppo-s në Siri. Marrëveshja e arritur me shumë vështirësi të martën, parashikonte që evakuimet e para të civilëve të bllokuar pa ujë e pa ushqime, të fillonin sot në mëngjes herët. Por, deri në mesditë CNN ka raportuar për rifillim bombardimesh në pjesën lindore të Aleppo-s, i cili ende kontrollohet nga kryengritësit.
Agjencia e lajmeve në Siri, SANA, raporton se një numër i madh personash kanë vdekur në të dy anët e qytetit, ndërsa rreth 50,000 civilë besohet të kenë mbetur brenda zonës së vogël të Aleppo-s lindore që ndodhet ende nën kontrollin e rebelëve.
Të gjithë kemi parë fotot dhe videot tragjike nga rrënojat në Aleppo, të publikuara sot nëpër media.
Por si ka qenë dikur ky qytet fatkeq?! Videoja e mëposhtme jo vetëm që do jua shuajë kureshtjen por edhe do ju habisë. Kjo sepse kjo video paraqet pamje të një qyteti përrallor, një ëndërr e vërtetë, por që fatkeqësisht lufta e ka shndërruar në një makth.
VIDEO:
https://www.youtube.com/watch?v=45SeCsGl5mM
