‘Ngec’ Reali i Madridit, nuk shkon më shumë se një barazim me Bilbaon

Reali i Madridit është ndalur në barazim 1-1 në përballjen me Athletic Bilbao në shtëpinë e kësaj të fundit.

Reali ishte diçka më kërkues duke mbajtur topin nën kontroll dhe duke krijuar raste por nuk ishte shumë efektiv.

Bilbao në anën tjetër ishte skuadra e cila ishte në pritje të gabimit më të vogël nga kundërshtari dhe e gatshme për të ndëshkuar.

Këtë e dëshmoi në minutën e 32’-të kur me anë të Muniain realizoi golin e epërsisë, për të befasuar “mbretërit”.

Pjesa e parë përfundoi me rezultatin 1:0 në favor të baskëve.

Ishte zëvendësimi i Isco që bëri diferencën. Vetëm tre minuta pas inkuadrimit ai realizoi golin e barazimit (63’).

Me këtë barazim, madrilenët mbeten një hap prapa Barcelonës, kurse Bilbao grumbullon pikën e pestë.

(B.H/Faxweb)