Avokati Spartak Ngjela është një nga njerëzit më entuziastë nga zbatimi i Reformës në drejtësi në vendin tonë.
I ftuar mbrëmë në studion e Eni Vasilit, Ngjela tha se opozita që la mandatet kërkon që të pengojë Reformën pasi ka frikë nga fati që mund të ketë.
Sakaq Ngjela deklaroi dhe se në PS mund të ketë persona që preken, dhe zbuloi dhe një bisedë që ka pasur me kryeministrin Edi Rama.
“Vetë kryeministri shqiptar më ka thënë se tre nga të mitë i kap reforma në drejtësi”, zbuloi Ngjela, e megjithatë emrat që rrezikojnë nuk i bëri publikë.
