15 anëtarë të një familje janë ngujuar në një banesë në Shkozë, për shkak se IKMT ka shkuar që tu shembë banesën, ndërkohë që nuk janë njoftuar zyrtarisht.
Xhevahir Brati në një prononcim për Fax News për gazetarin Fatjon Gjinaj, ka deklaruar se ka çertefikatë pronësie të tokës, ka edhe tapi, por banesa e tij preket nga ndërtimi i Unazës së Madhe.
Sakaq grupi i xhirimit të Fax News nuk po lejohet nga policia që të filmojë, megjithëse edhe në zonë ka persona të tjerë të cilët po qarkullojnë lirshëm.
Në banesë banojnë 4 familje, të katër vëllezër, ndërkohë që punonjësit e IKMT-së u thonë që të rregullohen vetë me shtetin, pasi sipas tyre ato kanë urdhër ta prishin.
Ato deklarojnë se nuk u kanë dhënë asnjë dokument dhe asnjë nga përfaqësuesit nuk prezantohet me emër.
“Jemi katër kurorë, s’kam ku dërgoj familjarët. Nuk jam kundër ta prishin por të më japin paratë. Nëse kanë një letër zyrtare le të ma sjellin. Persona civil ka 5 vjet që na paralajmërojnë. Se lëshoj shtëpie më dhënë lekët, s’kam ku mbytem. Jam nga Hasi, ndërtesën e kemi ndërtuar në 2004. Ka 5 vjet që kam marrë dokumentat. Në Tiranë kam ardhur që në vitin 1992, kam jetuar deri në 2004 me qera në Laprakë.”- tha kryefamiljari.
Discussion about this post