Presidenti i Serbisë, Tomislav Nikoliç ka deklaruar se treni që ishte nisur nga Beogradi për në Mitrovicë, është ndaluar nga ai dhe kryeministri i vendit, Aleksandër Vuçiç.
“Unë dhe Vuçiç kemi vendosur që ta ndalim trenin në Rashkë, derisa ata pas tri orësh i shfaqën Njësitë Speciale të cilat e dinin se treni nuk do të vijë, sepse Vuçiçi foli me të gjithë ambasadorët e huaj në Beograd”, është shprehur Nikoliç përpara gazetarëve në Bruksel, pas takimit me Federica Mogherini.
Gjithashtu Nikoliç ka deklaruar se midis dy vendeve nuk ka asnjë konflikt, madje sipas tij as në të ardhmen nuk do të ketë asnjë konflikt. Ndërsa , e ashtuquajtura si “darka e pajtimit” midis dy palëve ka nisur rreth orës 20:00. (D.D/Shuplaka)
Discussion about this post