Presidenti i Republikës së Shqipërisë, Bujar Nishani, ka dekoruar pas vdekjes komisarin e ekzekutuar, Artan Cuku. Ky dekorim është kryer me propozim të ministrit të Punëve të Brendshme, Dritan Demiraj, duke e dekoruar me medaljen e Shqiponjës së Artë dhe i është dorëzuar bashkëshortes së ish-kryekomisarit të ndjerë.
“Presidenti i Republikës, Bujar Nishani i akordoi dt. 27/06/2017, nr. dekreti 10532 Artan Cukut (pas vdekjes) “Dekoratën e Artë të Shqiponjës” me motivacionin: “Në vlerësim dhe nderim të thellë për përkushtimin maksimal, devotshmërinë e pashembullt, sakrificën e rrallë në luftën pa kompromis kundër keqbërësve dhe krimit të oganizuar, si profesionist dhe misionar pararojë në radhët drejtuese të Policisë së Shtetit.”, citohet në faqen e Presidencës.
Rreth dy javë më parë, më 14 qershor, ministri Demiraj i dha ish-Drejtuesit të Strukturave të Policisë së Shtetit, Artan Cukut (Pas vdekjes), Medaljen e Nderit, me motivacionin:
“Për merita dhe shërbime të veçanta në luftën ndaj krimit, sigurimit të rendit e të qetësisë publike”.
Ish-kryekomisari Artan Cuku u ekzekutua në muajin Prill të këtij viti teksa ishte pranë banesës së tij në kryeqytet. Ndërkohë që ende nuk janë vënë në pranga porositësit e atentatit ndaj tij, është kryer arrestimi i autorit të dyshuar Mikel Shallari.
(XH.A/SHUPLAKA)
[ngg_images source=”galleries” container_ids=”2280″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post