Një person tenton të hidhet nga vinçi pranë një kulle tek Katedralia Ortodokse në Tiranë. Në këto momente ai është duke ngjitur vinçin.
Xhemal Zhuri është një eksponent i njohur nga radha e të persekutuarve. Kjo është tentative e tyre e tretë e tij për të vrarë veten. Ai është i moshës 61 vjeçare, njofton Policia.
Ai në 2012-ën dhe 2015-ën ka bërë po ashtu tentative për të vrarë veten.
“Dua lekët e mia” thotë ai.
Personi kërkon dëmshpërblimin e burgut, konkretisht këstin e 6-të të dëmshpërblimit.
Zhuri kërcënon se do të hidhet nga lartësia mjaft e madheprej 100 metrash. Policia në vendin e ngjarjes po negocion për të bërë të mundur zbritjen e tij.
Edhe tani teksa ka rënë errësira ai vazhdon të jetë në majë të vincit duke kërcënuar që do të hidhet.
Ndërkohë Ministria e Financave njofton se personi në fjalë e ka marrë këstin e 6-të por edhe të 7-tin.
Nuk kanë qenë të pakta rastet kur ish të përndjekurit politikë nga regjimi komunist kanë tentuar të vetëvriten me mënyra të ndryshme nga vetëdjegia e deri tek kërcënimi për hedhje nga lartësitë. Mosmarrja e kësteve të tyre të dëmshpërblimit prej vitesh qëndron si një problem shumë i madh i tyre që ia kanë ngritur të gjitha qeverive.
(J.V/Shuplaka)
