Emri i propozuar nga Partia Demokratike për Ministrinë e Shëndetësisë është Arben Beqiri, kirurgu dhe pedagogu i njohur i Universitetit të Mjekësisë.
Beqiri është diplomuar për mjekësi në Universitetin e Tiranës dhe është specializuar më tej në Kirurgji të Përgjithshme, Gastrohepatologji.
Ai njihet si një figurë mjaft e respektuar në fushën e mjekësisë, kjo pas një eksperience të gjatë si mjek, si pedagog, prej një sërë kualifikimesh që ai ka në universitetet më të mira të botës si në SHBA apo Belgjikë, si edhe për shkak të një sërë botimeve të tij shkencore.
Që prej vitit 1993 dhe deri më tani, ai ka punuar si Kirurg në Qendrën Spitalore Universitare “Nënë Tereza”.
Beqiri pritet të marrë postin e Ministrit të Shëndetësisë, pas seancës së nesërme të jashtëzakonshme parlamentare, të thirrur nga Ilir Meta. (D.D/Shuplaka)
