Një orë pas Ramës, Basha del nga Presidenca. Përshëndet me dorë dhe futet në makinë

Me një orë vonesë nga kryeministri Rama edhe Basha ka lënë zyrën e presidentit Nishani duke u futur në makinën e tij.

Po ashtu si Rama dhe Basha nuk ka dhënë asnjë promoncim për mediat, dhe ende është enigmë në lidhje me vendimin që është marrë apo nëse është arritur një marrëveshje.

Pak më vonë pritet që Basha të zhvillojë një takim nga çadra ku do të njoftojë dhe zhvillimet në Presidencë.

Ç’NDODHI MË HERËT:

Rama hyn i pari në Presidencë përkrah kreut të Grupit Parlamentar të partisë së tij Gramoz Ruçit, pas tij ka hyrë Lulzim Basha me kreun e Grupit Parlamentar të PD-së, Edi Palokën.

Për pak minuta Rama dhe Ruçi kanë qenë nën shoqërinë e sekretarit të Përgjithshëm të Kryeministrisë, Ëngjëll Agaçi, i cili është kthyer për në Kryeministri, teksa Rama ka kapërcyer portën e madhe të Presidencës. Ndryshe nga Rama që ka shkuar në këmbë, Basha ka zgjedhur të hyjë me automjetin e tij deri në oborr.

Mësohet se Lulzim Basha do të shoqërohet nga Edi Paloka, ndërsa në orën 11:00 ka parashikuar një takim në çadrën para Kryeministrisë me intelektualë e gazetarë.

Mbledhja e djeshme e Grupit Parlamentar të PD-së zgjati deri orët e vona dhe pas saj në një deklaratë për mediat kreu i kësaj Partie Basha shpjegoi se çfarë ishte diskutuar me ndërkombëtarët.

Sipas tij opozita nuk tërhqiet nga qeveria teknike dhe se me lajmet që dalin në media është spekuluar mjaft. Ditën e djeshme ishte Nishani ai që bëri hapin e parë për të ftuar Partitë pasi sipas tij përmasat e krizës janë përkeqësuar ndjeshëm. I menjëhershëm qe reagimi i Ramës i cili deklaronte se kjo ishte një ftesë e vonuar. (E.K/SHUPLAKA)