”Makina jonë me tabela KS u ndal nga policia Te rrethi ku ndahet rruga Tiranë – Shkodër- Kosovë, bëri sikur foli në radiomarrës me patrullën tjetër dhe na komunikoi që ne kishim tejkaluar dyfish shpejtësinë dhe duhej të na vinte gjobë 140 euro dhe sekuestrim patente dhe tha që patentën mund ta marrim vetëm nga Ambasada….”, ky është mesazhi më i fundit që ish-kryeministri Sali Berisha publikon, teksa thotë se i ka mbërritur nga një qytetar.
Sipas përmbajtjes së mesazhit, bëhet fjalë për një denoncim ku akuzohet policia rrugore.
”Qytetari dixhital denoncon:
Vjedhjen, plaçkitjen që i bënë atij por edhe të tjerëve çunat e krimit rrugës për në Kosovë. Lexoni mesazhin e tij! sb
“Përshëndetje z.Berisha! Meqënëse nuk pata mundësi tjetër të shpreh mllefin ndaj policisë rrugore shqiptare, po ju shkruaj juve të denoncoj vjedhjen apo plaçkitjen që bëri dje njëri nga policët rrugorë ndaj familjes sonë.
Makina jonë me tabela KS u ndal nga policia Te rrethi ku ndahet rruga Tiranë – Shkodër- Kosovë, bëri sikur foli në radiomarrës me patrullën tjetër dhe na komunikoi që ne kishim tejkaluar dyfish shpejtësinë dhe duhej të na vinte gjobë 140 euro dhe sekuestrim patentë dhe tha që patentën mund ta marrim vetëm nga Ambasada….
Ne ishim shumë të sigurtë që nuk kishim tejkaluar shpejtësinë dhe kërkuam fakte me çfarë e kishte matur shpejtësinë dhe kush e lajmëroi për shpejtësinë tonë përderisa neve nuk ishim ndalur nga ndonjë patrullë tjetër.
Polici për ta zgjidhur këtë punë kërkoi 50 euro cash në dorë por si përfundim u pajtua edhe me 10 Euro…. Do të thotë se pretendimi i policit për shpejtësi ishte i kotë dhe gjithë ai presion që na bëri kishte vlerën 10 euro! Njejtë si ne pamë edhe shumë të tjerë që nxirrnin para nga xhepi për të qerasur policët e babëzitur!!!!!
Kjo është policia e shtetit shqiptar në krye të detyrës!!!!!!!!””, përfundon mesazhi i postuar nga Berisha në ”Facebook”. (V.G/SHUPLAKA)
