Për akreditimin e Universitetit të Tiranës, deputetja demokrate Valentina Duka është shprehur mjaft e shqetësuar në lidhje me njollosjen që po përpiqet që t’i bëhet këtij institucioni.
Duka deklaroi se ka zyra të caktuara që i prodhojnë këto gënjeshtra, dhe është e çuditshme si nuk ka një reagim zyrtar nga ana e institucioneve përgjegjëse.
“Nuk ka mundësi që Universiteti i Tiranës që është më i miri në vend të renditet në atë mënyrë. Ky rreshtim absurd paraqitet nga agjensia britanike, dhe nuk ka asnjë pohim dhe asnjë përgënjeshtrim nga ana e autoriteteve përgjegjëse.
Këto janë farsa të prodhuara në zyra të caktuara. Duke thënë këto fjalë për Universitetin e Tiranës, unë i njoh edhe problemet, por ama di që ai është më prestigjozi dhe më i kërkuari në rradhët e studentëve shqiptarë, unë kërkoj që Universiteti të mos njolloset”, deklaroi Valentina Duka.
Kujtojmë se rezultatet e Akreditimit janë bërë të ditura në rrugë jo zyrtare dhe deri më tani nuk ka një reagim nga ana e ministrisë së Arsimit. Vetë Nikolla e ftuar së fundi në disa stuio televizive nuk ka dhënë asnjë llogari në lidhje me procesin.
(E.K/SHUPLAKA)
