Nju Jorku i ka dhënë dritën jeshile një projektligji që ndalon diskriminimin në bazë të peshës.
Siç raporton BBC, më shumë se 40% e të rriturve amerikanë konsiderohen obezë dhe studimet tregojnë se stigma e peshës është e përhapur.
Paragjykimet mund të çojnë në kosto të larta, siç janë shkurtimet e pagave, veçanërisht për gratë. Këshilltari i qytetit të Nju Jorkut, Shaun Abreu tha se diskriminimi i peshës është “një barrë e heshtur që njerëzit duhet të mbajnë”.
Këshilltari Abreu, i cili sponsorizoi projektligjin, tha se ai u bë më i vetëdijshëm për problemin kur fitoi më shumë se 18 kilogramë gjatë periudhës së izolimit për shkak të Covid dhe se pa një ndryshim në mënyrën se si trajtohej. “Njerëzit me mbipeshë diskriminohen dhe shoqëria thotë se kjo është mirë”, tha ai.
Masa ka marrë mbështetje të gjerë, edhe nga kryetari i bashkisë së Nju Jorkut, Eric Adams , i cili pritet ta nënshkruajë atë më vonë këtë muaj.
Megjithatë, nuk kishte mungesë polemikash mbi ligjin: udhëheqësi i pakicës së Këshillit të Qytetit të Nju Jorkut , Joseph C. Borelli, një republikan, i tha New York Times se kishte frikë se ligji do t’u jepte njujorkezëve aftësinë për të “paditur këdo dhe të gjithë”. “Jam mbipeshë, por nuk jam viktimë. Askush nuk duhet të ndihet fajtor për mua, përveç kopsave në këmishë”, tha ai.
Discussion about this post