Pritet të nis seanca e rradhës plenare në Kuvend. Para pak momentesh janë futur në sallë disa prej deputetëve të Rithemelimit duke përfshirë dhe Gazment Bardhi.
Nga ana tjetër, forcat e Gardës të pranishëm përpara derës nuk kanë lënë të futet në sallë deputetin Flamur Noka së bashku me Albana Vokshin, Elda Hotin dhe deputetin Bledjon Nallbati.
Ata janë përjashtuar me kërkesë të deputetëve socialistë për 10 ditë nga parlamenti, pasi herën e fundit krijuan tensione edhe me gardën me deputetin Noka që i hodhi miell gardistëve, ndërsa Albana Vokshi dhe Elda Hoti bllokuan foltoren në Kuvend. Këtë herë situata duket e qetë përpara parlamentit.
