Shoqëria civile po proteston përpara parlamentit pasi kundërshton projekt -ligjin për zonat e mbrojtura që pritet të miratohet sot në Kuvend.
Ata shprehin shqetësimin se me këtë projekt-ligj zonat e mbrojtura nuk do ta kenë më këtë status pasi do përdoren për qëllime përfitimi nga një grusht i vogël njerëzish.
Nga ana tjetër, ata shprehin indinjatën e tyre ndaj arrogancës së qeverisë që nuk kursen as zonat e mbrojtura natyrore.
“Me ndryshimin e ligjit të zonave të mbrojtura nuk i bëhet atentat vetëm natyrës por të ardhmes mbi bazën e një zhvillimi ekonomik të qëndrueshëm që të përfitojnë të gjithë dhe jo vetëm një grusht njerëzish i bëj thirrje të mos e votojnë pr.ligjin sot. Duhet mos votuar pa asnjë dyshim. Të nderuar deputetë mos e votoni ligjin për zonat e mbrojtura,” thotë një protestues.
“Jemi në një betejë për t’i mbrojtur ndaj babëzisë. Arroganca ka arritur majat e kësaj qeverie pa tru për të kuptuar rëndësinë e zonave të mbrojtura. Nuk janë thjesht parcela toke për qëllime fitmi. Kanë status për t’u mbrojtur dhe jo për t’i shkatërruar. Nëse shkatërrohen nuk quhen më të mbrojtura por zona betoni,” u shpreh një tjetër.
