Ndalimi i Adriatik Llallës për të udhëtuar drejt SHBA-ve nuk e ka penguar ish-kryeprokurorin që të udhëtojë drejt Gjermanisë.
Si një qytetar i lirë dhe i zhveshur nga të gjitha përgjegjësitë në sistemin e drejtësisë Llalla së bashku me familjen është nisur drejt shtetit gjerman, me gjasa për disa ditë pushime.
Po a mendon Berlini zyrtar njësoj si SHBA-të në lidhje me dyshimet për korrupsion nga ana e Llallës.
Të pyetur si më poshtë nga ‘’Tema”, ambasada gjermane ka dhënë një përgjigje për këtë rast.
“1. Si shpjegohet që në një kohë kur SHBA e ka shpallur “a non grata” ish-kryeprokurorin shqiptar Adriatik Llalla dhe familjen e tij, Gjermania i ka siguruar atij lejë qendrimi?
- A do të ndryshojë ky vendim nëse Drejtësia nis hetimet për të?” ishin pyetjet në kërkesën e depozituar nga gazeta.
Trupi diplomatik i akredituar në Tiranë në përgjigjen e përcjellë nënvizon se ky qëndrim është i përkohshëm.
Dr. Johannes Dietrich, personi i kontaktit për parandalimin e korrupsionit në Ambasadë, thotë se ligjistlacioni përkatës i krijon mundësinë ish kryeprokurorit që të strehohet si çdo qytetar normal.
“Për arsye të mbrojtjes së informacioneve personale Ambasada nuk pozicionohet lidhur me raste të veçanta.
Përgjithësisht ne sjellim në vëmendje, se cdo qytetar shqiptar në parim është i lirë të udhëtojë pa vizë për qëndrime afatshkurtra drejt Gjermanisë.
E drejta për të qëndruar në Gjermani bazohet në përcaktimet e ligjit gjerman për qëndrimin e të huajve.
Përshëndetje miqësore, Johannes Dietrich” shkruan ai në përgjigjen me e-mail për gazetën “TemA”.
(E.K/FAXWEB.AL)
