Në një konferencë për shtyp, kryeministri i Serbisë, Aleksandar Vuçiç, ka reaguar ashpër për lirimin e ish-kryeministrit të Kosovës, Ramush Haradinaj.
Duke e cilësuar si akt të turpshëm, skandaloz, të padrejtë dhe politik, ai është shprehur bindshëm se “beteja ishte për drejtësinë e ligjin për të mbrojtur viktimat”, duke thënë: “Ne nuk jemi mposhtur ende”. Ai ka paralajmëruar notë të ashpër proteste për shtetin e Francës, i cili nuk mori në konsideratë kërkesën për ekstradim të liderit të AAK-së.
Mësohet se Vuçiç ka thirrur ambasadorin e Serbisë në Francë në një takim për konsultim lidhur me ngjarjen e sotme.
Mëngjesin e sotëm, menjëherë pas lirimit të Haradinajt, u bë e ditur vendimi i Vuçiçit për zhvillimin e një mbledhje të qeverisë.
(XH.A/SHUPLAKA)
