Nuk i bëri kafenë nusja dhe e vrau, rrëfehet vjehrri: Jam i penduar për gjithçka ka ndodhur

75-vjeçari  Ndoc Tota, vrau vetëm dy ditë më parë nusen e djalit, pasi e goditi me levë në kokë.

Ngjarja e rëndë ndodhi në fshatin Zheje të Kurbinit dhe sot për 75-vjeçarin në sallën e gjyqit iu caktua masa e sigurisë ‘Arrest me burg’.

“Jam i penduar për gjithçka ka ndodhur. Marrëdhëniet tona nuk kanë qenë të mira që në fillim”, mësohet të jetë shprehur i moshuari.

Ndërkohë, sipas organit të akuzës, debati mes nuses dhe vjehrrit, që i mori jetën 41-vjeçares kishte nisur në orët e para të mëngjesit, për kafen. Kjo me pretendimin se nusja e djalit kishte refuzuar që t’i bënte kafen, vjehrri shkoi deri në marrëzi sa e goditi atë në ambientet e jashtme të banesës me levë në kokë. (J.V/Shuplaka)