Dje u zhvilluar Kongresi Partisë Socialiste në të cilin morën pjesë drejtuesit më të lartë të kësajforce politike, kontributor të saj ndër vite, anëtarë dhe kryetarë forumesh, anëtarë të thjeshtë të partisë si dhe ‘veteranët’.
Por në këtë Kongres u vu re mungesa e disa kontribuesve të njohur të PS-së e ndër ta, Shpëtim Gjika, ish-kryebashkiaku i Vlorës.
Gjika e ka komentuar këtë ngjarje në mënyrë ironike përmes një poezie me të cilën tregon indinjatën e tij që nuk i ishte dërguar ftesë që të merrte pjesë në këtë eveniment të rëndësishëm për Partinë Socialiste.
Ai shkruan në hyrje të poezisë të cilën e ka publikuar në rrjetet sociale, se vargjet ia ka dedikuar edhe mikut të tij poet, Arben Dukës.
Në radhët që ka shkruar Gjika jep një mesazh të qartë në adresë të kryeministrit Rama duke u shprehur:
Tani s’kemi nge për llafe
Kemi një fushatë
Socialistët punë
Rilindasit gallatë
Statusi i plotë:
Arben Dukës miqësisht me vargjet e mia modeste !
Tung o Arben Duka
Më bëre të llois
Se aq mirë sa ty
Fjalët s’i radhis
Tani pas Kongresit
Ndonjë llaf ta themi
Se ne veteranët
Vetëm fjalën kemi
Për ne veteranët
Mbase mirë do ishte
Jo në presidium
Të paktën një karrige
Pa shumë pretendime
Nuk donim kolltuk
Vetëm të dëgjonim
Se jemi të urtë
Nuk bëhej qameti
Vetëm për një ftesë
Që dhe veteranët
Të ishin në Kongres
Të ishin si fasadë
O ti Arben Duk’
Jo për të llafosur
Thjesht sa për fejsbuk’
Shpresoj o miku im
Në se jemi gjallë
Në Kongresin tjetër
Të jemi në ballë
Tani s’kemi nge për llafe
Kemi një fushatë
Socialistët punë
Rilindasit gallatë
Puna do vazhdojë
Të rinj e veteranë
Të fitojmë zgjedhjet
Nga Vlora në Tiranë
Dhe pasi të fitojmë
Me punë ditë e natë
Të dyve do na thonë
Keni grirë sallatë
Sh.Gjika Vlorë, më 24 Mars 2019!
(F.GJ/FAXWEB.AL)
