Numri dy në Ministrinë e Jashtme Halil Hyseni ka dhënë dorëheqjen nga posti i zëvendësministrit. Hyseni, i cili vjen nga radhët e PDIU-së, ishte emëruar si zëvendës/ministër në tetor të vitit 2015, duke zëvendësuar Alqi Pulon e PBDNJ-së.
Mësohet se kërkesa për lirimin e tij nga detyra i është drejtuar kryeministrit Edi Rama. Në letrën e dorëheqjes, mësohet se Hyseni shkruan se emërimi i tij është bërë në kontekst politik dhe ai e konsideron të pamundur vijimin e detyrës për shkak të situatës politike aktuale.
Kujtojmë se pak orë më parë, Top Channel raportoi se ministrat teknikë të zgjedhur nga Lulzim Basha pas marrëveshjes se 18 majit me kryeministrin Rama, kanë dhënë dorëheqjen. (D.D/Shuplaka)
Discussion about this post