Operacioni Forca e Ligjit, në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, i ka nisur kërkesat me shkrim për vetëdeklarimin e burimeve të pasurisë, shtetasve: Dermush Buzheri dhe Tatiana Gjini, banues në Gjirokastër dhe Zhuljen Bezati dhe Gazmir Muhaj me banim në Përmet.
Tatiana Gjini dhe Dermush Buzheri, janë të dënuar për veprën penale kultivimin e bimëve narkotike, ndërsa Gazmir Muhaj dhe Zhuljen Bezati janë të dënuar për veprat penale prodhim dhe shitje e narkotikëve.
OFL njofton se individët e lartëpërmedur si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të tyre dhe më pas,përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.Gjithashtu ata do të informojnë publikun në vijimësi për të gjitha nismat procedurale dhe operacionet ekzekutive që do të kryejë në ditët në vijim.
Discussion about this post