Detaje të rteja kanë dalë në lidhje me operacionin në Has ku ku policia sekuestroi një laborator të prodhimit të heroinës.
Policia ka sekuestruar ‘Opium’, lëndë që shërben për prodhimin e heroinës dhe një sasi droge e përpunuar. Laboratori ndodhej në periferi të Hasit ku janë gjetur ambiente për përpunimin e drogës.
Policia ka arrestuar 5 persona. Ndërkohë janë zbuluar dhe inicialet e personave që kanë rënë në pranga. 1- V. B, 2- F. C, 3- XH. SH, 4- M. SH, 5- A. SH.
Ndërhyrja është bërë nga RENEA dhe FNSH. Policia e Shtetit ende nuk ka dhënë detaje për këtë zhvillim duke e mbajtur atë sekret. Në laborator është gjetur një sasi e konsiderushme lënde opiumi, e cila është baza për prodhimin e heroines.
Laboratori është gjetur në fshatin Brenog brenda dy kapanoneve që përdoreshin si stallë për bagëtitë. Sasia e dyshuar e drogës që është gjetur dyshohet të jetë 100 kg.
Për detaje të operacionit Policia e Shtetit, Prokuroria dhe agjencitë ligj zbatuese në ditët në vijim do të kenë një konferencë të përbashkët për mediat për operacionin që zhvillohet në qarkun e Kukësit.
(B.H/Faxweb)
