Gjatë seancës së sotme parlamentare, deputetët që morën mandatet në kundërshtim me vendimin e opozitës, kanë votuar sot për nismat e qeverisë.
Të vetë-quajtur si “opozita e re”, deputetët e larguar nga Lëvizja Socialiste për Integrim kanë votuar pro nismave të qeverisë, ndërkohë vetëm Ylli Shehu ka votuar kundër për çdo nismë.
Nga radhët e dputetëve që vijnë nga lista e Partisë Demokratike, Alban Zeneli nuk votoi asnjë nga nismat të parashikuara në rendin e ditës dhë që u votuan gjatë ditës së sotme. Gjatë procesit të votimit Lefter Koka dhe Ligoraq Karamelo zgjodhën që të mos ishin të praishëm në Parlament.
Të vetmin projektligj që e votuan të gjithë pa përjashtim ishte nisma që synon të përmirësojë kushtet e konvikteve të studentëve, një pikë e cila është parashtruar nga ana e studentëve si një kërkesë ndaj qeverisë gjatë protestave të tyre.
“Projektligji ‘Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, për bashkëpunim financiar 2017, për projektin “Programi për rinovimin e konvikteve në kampusin universitar të Tiranës, sipas parimit të efiçencës energjetike, faza III’ mori sot 85 vota pro dhe asnjë kundër.
(F.GJ/FAXWEB.AL)
