Zyra e OSBE-së konfirmon takimin e Kryetarit të Bashkisë së Tiranës Erjon Veliaj me ambasadorin e OSBE-së me 16 janar.
“Ambasadori i OSBE-së Bernd Borchardt dhe ai i Austrisë Sattler zhvilluan një takim me kryetarin e bashkisë Veliaj më 16 janar, në orën 11:00, në mjediset e Bashkisë, për të diskutuar projekte të përbashkëta në kuadër të kryesisë austriake të radhës të OSBE-së.”, shkruhet në njoftimin e OSBE-së.
Nga selia blu, ishte Grida Duma ajo që deklaroi se Erion Veliaj ka udhëtuar me një avion çarter nga Rinasi drejt Parisit. Sipas Dumës, me Veliajn kanë udhëtuar zëvendësi i tij Mazniku, një ndihmëse e tyre dhe një biznesmen.“Avioni çarter është paguar nga biznesmeni”, thotë Duma.
Por, Veliaj i kundërshtoi këto akuza duke thënë që më 16 janar nuk ka dalë jashtë kufijve të Tiranës, e jo më të ketë udhëtuar drejt Parisit.
Kjo pasi sipas Bashkisë, Veliaj ka patur dy takime të rëndësishme me dy Ambasadorë të akredituar në Tiranë: Ambasadorin e OSBE-së, Bernd Borschardt dhe ambasadorin e Austrisë, Johan Sattler.
Tanimë që Borschaedt konfirmoi takimin me Veliajn, akuzat e PD-së bien poshtë.
Discussion about this post