OSBE-ODIHR ka vendosur të sjellë në Shqipëri 300 vëzhgues afatshkurtër për zgjedhjet e 18 qershorit.
Ata po ashtu ata do të dërgojnë 30 vëzhgues afatgjatë për monitorimin e zgjedhjeve.
Në raportin e Misionit të OSBE/ ODIHR-it për Vlerësimin e Nevojave, të botuar sot nënvizohet shqetësimi për situatën aktuale politike dhe mungesën e dialogut që mund të dëmtojë zhvillimin e zgjedhjeve.
“Që prej shkurtit PD ka bojkotuar parlamentin dhe po udhëheq një protestë të qëndrueshme publike duke kërkuar krijimin e një qeverie teknike që do të krijojë kushtet për zgjedhje të besueshme. Qeveria nuk ka pranuar këto kërkesa dhe kritikon opozitën për bllokim të padrejtë të reformave të nevojshme. Shumë bashkëpunëtorë të OSBE/ ODIHR shprehin shqetësim lidhur me situatën politike dhe mungesën e dialogut që mund të dëmtojë zhvillimin e zgjedhjeve”- thuhet në raport
Korniza ligjore për zgjedhjet është përmirësuar ndjeshëm në 2012, përpara zgjedhjeve të mëparshme. Një proces i ri i reformës zgjedhore nisi në vitin 2015, por për shkak të mungesës së konsensusit politik, mes dy partive më të mëdha, pjesa më e madhe e rekomandimeve të OSBE/ ODIHR nuk janë adresuar”
OSBE ka deklaruar sot se mjedisi mediatik në Shqipëri është politikisht i polarizuar.
Sipas saj, mungesa e dialogut mund të dëmtojë zgjedhjet.
OSBE njofton se u ka bërë kërkesë shteteve pjesëmarrëse që të dërgojnë përfaqësues në Shqipëri për zgjedhjet parlamentre të 18 qershorit. (M.D/ Shuplaka)
Discussion about this post