Një ngjarje e rëndë është regjistruar për herë të dytë në harkun e pak ditëve në Gjimnazin “Janaq Kilica” në Fier pasi të paktën 30 nxënës deri më tani janë transportuar në spital pasi kanë shfaqur simptoma helmimi.
Burime bëjnë me dije se nxënësit kanë shfaqur probleme me frymëmarrjen ndërsa disa ambulanca kanë mbërritur në ambientet e shkollës për të bërë transportimin e nxënësve.
Në ambjentet e shkollës është krijuar një kaos i madh ndërsa në oborrin e saj dhe në rrugë shihen nxënës të shtrirë nëpër troturare dhe rrugë.
Në vengjarje kanë mbërritur qytetarë të shumtë dhe familjarë të nxënësve, ndërsa mabulancat vijnë e shkojnë njëra pas tjetrës duke transportuar drejt Spitalit Rajonal të Fierit të rinjtë.
Ka një tension nga ana e prindërve pasi kërkojnë informacion për fëmijët e tyre nëse janë pjesë e atyre që janë prekur, ndërsa dera e shkollës është e mbyllur dhe nuk lejohen gazetarët.
Në vendin e ngjarjes kanë mbërritur efektivët e Policisë ku gazetarja e Fax News, Fatmira Bajrami raporton se është ngritur një grup hetimor për të mësuar shkaqet dhe rrethanat e ngjarjes së rëndë.
Sipas dëshmive të nxënësve asfiksimi ka ndodhur në orën e mësimit dhe ka prekur një numer të madh të nxënësve. Deri tani mësohet se janë me dhjetra autoambulanca që kanë ardhur për të marrë nxënësit e asfiksuar në frymarrje.
Ne vendngjarje kane shkuar edhe ekseprtë të Policise së Fierit për të zbardhur rrethanat e ngjarjes dhe shkakun e gjendjes së mkrijuar.
Nxënësit kanë shfaqur simptoma si dhimbje të fytit, kollës dhe vështirësisë së frymëmarrjes.
Një prej nxënëseve të kësaj shkolle ka hedhur akuza shumë të forta në mikrofonin e Fax News, pasi shprehet se ngjarja ka qenë e qëllimshme.
Ajo ka treguar se në shkollë është bërë asnjë eksperiment, ndërsa shton se kaldajat nuk funksionojnë.
“Nuk është asnjë lloj eksperimenti që është bërë, nuk ka fare kaldaja. Kjo është hera e dytë që po ndodh kjo, dhe ne mendojmë se është e qëllimshme. Në orën e pushimit, u hap nujë aromë që të bllokonte frymëmarrjen dhe nuk mbusheshim dot me frymë.
Ka vajza nga e gjithë shkolla që u ka rënë të fikët, kjo është hera e dytë që ka ndodhur është e papranueshme. Aroma është përhapur në shkollë, është një tip gazi, që nuk dimë ta shpjegojmë. Nuk e di nëse është bërë nga njerëz të brendshëm të shkollës, apo nga jashtë. Nuk ka lidhje me eksperimentet dhe me kaldajat siç është thënë më parë”, u shpreh nxënësja.
Në fund të muajit të kaluar disa nxënës dhe mësues të shkollës “Janaq Kilica” janë dërguar në Spitalin e Fierit pasi kanë shfaqur simptoma të ndryshme ndërsa është raportuar më herët se diçka ka shkuar keq gjatë një eksperimenti në një laborator kimie.
Pavarësisht marrjes së ndihmës mjekësore të disa personave, nga ana e autoriteteve nuk u njoftua asnjë shkak e kësaj ngjarjeje.
Mjeku reanimator në spitalin e Fierit, Klinton Gjerazi ka thënë për rastin e parë se në spital kanë mbërritur 10 persona të helmuar, 7 nxënës, 2 mësues dhe sanitarja e shkollës. Mjeku ka thënë se priten analizat për të shpjeguar më qartë situatën.
“Urgjenca ka reaguar shpejt, nxënësit janë shtruar, është ngritur një grup pune. Dikush thotë se erdhi një aromë e keqe që e lidhin me klasën dhe palestrën, se ishte aromë e keqe që na bezdisi fytin si erë pesticide, diçka kimike, që nuk e përcaktojmë dot ne sepse kur del në ajër shpërbëhet. Helmim? Helmimi ka disa kritere të tjera, duhet të kenë konsumuar ushqim, apo lëndë të përbashkët që të kenë helmim masiv. Ishin shtatë nxënës, sanitare dhe arsimtare, gjithsej 10 veta. Shqetësimet mund të kenë qenë ndoshta se janë viroza stinore. Nga grafia kishin shqetësime pulmonare. Diagnoza jonë nuk është akoma e plotë, se u janë marrë analizat e gjakut dhe biokimike. Nxënësit nuk referojnë se kanë ngrënë bashkë apo pirë bashkë, thjeshtë se ishte një aromë e keqe ose dicka e formës areogene, tani nuk jemi në luftë kimike… ” u shpreh mjeku.
(F.GJ/FAXWEB.AL)
Discussion about this post