Ministrja e Shtetit për Marrëdhëniet me Parlamentin, Elisa Spiropali ka shpërndarë një video të ish-kryeministrit Sali Berisha gjatë një interviste televizive, i cili u bëri apel qytetarëve që të zbatojnë rregullat e karantinës.
Spiropali ka çuditur në fakt me këtë gjest pasi raportet mes tyre nuk kanë qenë të mira në vazhdimësi por duket se kur vjen puna për solidarizim zbuten gjakrat.
“Karantina, izolimi, janë të mërzitshme, të vështira, por do të jetë e jashtëzakonshme kënaqësia kur ta fitojmë betejën”, tha ish-kryeministri Berisha mbrëmjen e shkuar në “Opinion” dhe duket se këto fjalë e kanë impresionuar Spiropalin duke shpërndarë mesazhin e Berishës dhe duke lënë pas betejat politike.
