Pavarësisht se janë ditët e fundit të vitit, për kreun e bashkisë së Tiranës nuk ka ditë pushimi.
Nëpërmjet një postimi në rrjetet sociale, Erion Veliaj ka publikuar një video nga punimet për “Parkun Olimpik” pranë liqenit, i cili duket të jetë drejt përfundimit.
“Mbresëlënës progresi te Parku Olimpik! Fundi i vitit, por jo fundi i punëve, thuajse gati Parku Olimpik pranë Liqenit! Vetëm me punë miq ecën Tirana jonë”, shkruan Veliaj në Facebook.
Parku Oplimpik pritet të ketë një kompleks modern që do të mbledhë bashkë të gjitha strukturat zinxhirë të sportit, federatat, peshëngritjen, mundjen, atletikën si dhe lojërat me dorë.
Siç ka deklaruar Veliaj para dy vitesh kur u bë prezantimi i projektit, investimet për rivitalizimin e kompleksit Dinamo kanë shkuar deri në 10 milionë euro. (D.D/Shuplaka)
Discussion about this post