“Parlamenti më qesharak i botës”, Meta i përgjigjet Ramës: Nëse do ndalojmë edhe të drejtën e fjalës…

Kreu i Kuvendit Ilir Meta, i ftuar në emisionin “Arena të Dritan Hilës i përgjigjet kryeministrit Edi Rama, pas deklaratave të këtij të fundit se Parlamenti është qesharak.

“Parlament ‘’Parlare’’, nëse do ndalojmë edhe të drejtën e fjalës dhe ta bëjmë serioz nuk e di si mund të kthehet parlamenti. Parlamenti ka shumë për të përmirësuar, sidomos ne që jemi kryetarë partish kemi përgjegjësinë të paraqesim në lista njerëz më të përgjegjshëm, pa rekorde kriminale që mos krijohen ngjarje në Parlament. Me njerëz seriozë dhe që nuk janë qesharakë.”, shprehet Meta.

“Ky është Parlamenti më qesharak i botës pasi opozita që është sa një e treta ka folur më shumë se mazhoranca dhe lideri i tyre ka folur më shumë se unë që jam kryeministri i vendit.

Ne e kemi të mirën që brenda qeverisë të kemi dhe opozitën që na thotë thellohuni, thellohuni. Sot ka një insistim policia, policia, policia. Deri dje policia ishte një nga institucionet më të besueshme, ndërsa tani është edhe mbi liderët e komuniteteve fetare’’, deklaroi Rama sot nga foltorja e Kuvendit. (D.D/Shuplaka)