Pas dorëzimit të mandateve nga opozita e bashkuar, disa nga kandidatët që pasojnë në listat e deputetëve kanë nisur dorëzimin e formularit të dekriminalizimit në KQZ.
Por e gjithë kjo për ish ministrin e Drejtësisë, Ylli Manjani e kthen parlamentin në një varrezë ku prehet Rilindja, ndërsa deputetët që pritet të hyjnë lulet mbi të.
“Tashmë parlamenti po merr formën e një varreze ku prehet Rilindja. Deputetët e listave që hyjnë janë lulet artificiale mbi të”, shkruan Manjani në rrjetet socialeë.
Kujtojmë se gjatë pasditës së sotme ishte kandidati, Edmond Rrushi i cili vjen nga radhët e LSI-së në qarkun e Elbasanit që ka pranuar plotësimin e vendit vanant në Parlament duke dorëzuar formularin Në Komisionin Qëndror të Zgjedhjeve (Lexo këtu).
Kur u bë tashmë një jave nga djegia e mandateve nga ana e PD-së dhe LSI-së, një pjesë e mirë e pasuesve në lista kanë hequr dorë nga e drejta për të qenë në Kuvend. Mirëpo në lista ka dhe të pabindur, që duket se po miklohen nga dëshira për të qenë pjesë e Kuvendit.
Kështu burime për Fax News bëjnë me dije se ka të paktën 11 kandidatë që nuk janë shprehur ende nëse do të marrin mandatin, dhe me gjasë në finale përgjigja e tyre do të jetë po (Lexo këtu).
(F.GJ/FAXWEB.AL)
Discussion about this post