Kryeministri Rama ka drejtuar sot një tjetër apel ndaj liderit të opozitës Lulzim Basha, duke i kërkuar atij që të ulen dhe të diskutojnë së bashku në lidhje me Reformën në Drejtësi.
“LB është koha për të vënë drejtësinë mbi frikën nga drejtësia; dialogun mbi çdo mjet tjetër politik, negociatat me BE mbi gjithçka na ndan”, shkruan kryeministri Rama në rrjetet sociale.
Siç duket kryeministri Rama është frymëzuar sot dhe nga deklarata e ambasadorit amerikan Donald Lu i cili u kërkoi krahëve politikë që të uleshin dhe të gjenin gjuhën e përbashkët për zgjedhjen e kryeprokurorit të ri.
Pjesë nga fjala e LU:
Reforma po hyn në një cast vendimtar, komisionet e Vetingut dhe vëzhguesit kanë punuar shumë, së shpejti do të përfundojnë cështjet e para të vetingut, kjo do të sjellë krijimin e organeve të tjera SPAK dhe BKH.
Shqiptarët presin me padurim për reformën në drejtësi dhe politikanët kanë frikë. Disa kanë thënë se fundmi se reforma në drejtësi ka vdekur, ajo nuk ka vdekur, por mundësia që politikanët e fuqishëm të manipulojnë drejtësinë është e vdekur.
Sistemi i shkuar mbrojti njerëzit me pushtet dhe pasuri mes korrupsionit dhe ndikimit politik, sistemi i ri nuk mund të ketë një prokuror të përgjithshëm që nuk ndjek askënd penalisht, ky vend nuk mund të hyjë në BE nëse ka shkallën më të ulët të ndjekjeve penale.
I kemi bërë thirrje qeverisë dhe opozitës të punojnë për një zëvendësues të përkohshëm të prokurorit të përgjithshëm që i përfundoi mandati më 7 dhjetor. Të dyja palët ti japin fund epokës kur prokurori mbron politikanët e korruptuar. Politikanët ti lënë mënjanë mosmarrëveshjet e tyre të parëndësishme dhe të zbatojnë këtë reformë në drejtësi.
(E.K/FAXËEB)
