Reagon pas ngjarjes tragjike në Berlin kreu i Partisë Demokratike Lulzim Basha, duke i dërguar një letër kancelares gjermane Merkel.
”Me dhimbje dhe indinjatë mësova mbrëmë për sulmin terrorist në Berlin ku shumë njerëz u vranë e u plagosën rëndë.”, i ka shkruar Basha. Ai ka shtuar se agresorët nuk synonin njerëz të rastësishëm.
”Agresorët e shefat e tyre nuk synonin thjesht të vrisnin njerëz të rastësishëm në një treg Krishtlindjesh, por të godisnin Gjermaninë me rolin lider të saj në Europë e më gjerë, për mbrojtjen e vlerave dhe lirive tona.”, ka përfunduar kryedemokrati.
LETRA E PLOTË:
E nderuar Zonja Kancelare
Me dhimbje dhe indinjatë mësova mbrëmë për sulmin terrorist në Berlin ku shumë njerëz u vranë e u plagosën rëndë. Agresorët e shefat e tyre nuk synonin thjesht të vrisnin njerëz të rastësishëm në një treg Krishtlindjesh, por të godisnin Gjermaninë me rolin lider të saj në Europë e më gjerë, për mbrojtjen e vlerave dhe lirive tona.
Më lejoni që në emër te Partisë Demokratike të Shqipërisë t’ju shpreh Ju dhe popullit gjerman solidaritetin më të fuqishëm. Ndërsa lutemi për viktimat, ngushëllojmë familjet e tyre dhe jemi pranë të mbijetuarve.
Sinqerisht i juaji,
Lulzim Basha
Kryetar i Partisë Demokratike të Shqipërisë”
Në Berlin një kamion hyri mes turmës në një treg Krishtlindjesh duke shkaktuar 12 të vdekur dhe 48 të plagosur. Ende nuk është arrestuar autori i vërtetë i masakrës, edhe pse u përfol për një azilkërkues pakistanez. (V.G/SHUPLAKA)
