Dy ditë pas sherrit në emision, prokuroria e Kosovës ka nisur hetimet edhe ndaj deputetit Milaim Zeka për kanosjen e Frashër Krasniqit.
Fillimisht nisën hetimet ndaj deputetit të Vetëvendosjes Frashër Krasniqit, i cili goditi Zekën live në emision.
Ndërsa sot, pas lirimit të Krasniqit hetimet kanë nisur edhe ndaj Zekës për kanosje. Lajmi është bërë i ditur nga avokati i Frashër Krasniqit, Tomë Gashi.
“Prokurori i shtetit po ashtu ka nxjerr vendim per zhvillim te hetimeve kunder z. Milaim Zeka per veper penale te Kanosjes ndaj Deputetit te Levizjes VV Frasher Krasniqi , kanosjen ndaj Frasherit sipas prokurorit e ka kryer z. Zeka ne po te njejtin emision, keshtu qe te dy deputetet jan ne hetime per incidentin ku edhe njeri edhe tjetri jan edhe te dyshuar edhe te demtuar ne raport me njeri tjetrin”, ka thënë avokati.
Kujtojmë se mbrëmjen e së premtes, gjatë një debati të drejtpërdrejtë televiziv Krasniqi goditi me grusht Zekën ndërsa për t’i ndarë u desh ndërhyrja e gjithë stafit të emisionit.
Fillimisht deputetët e nisën debatin me fyerje nga më të rëndat si “kriminel, dhunues, përdhunues, lopë, lahper, hajn etj”, ndërsa e përfunduan me grushte. (D.D/Shuplaka)
Discussion about this post