Deputetja e Partisë Demokratike, Arbjola Halimi fton ndjekësit e saj në rrjetet sociale për një alenacë për të tërhequr zvarrë deputetin e Partisë Socialiste, Taulant Ballën.
“Aleanca për të tërhequr zvarrë Taulant Ballën për gjuhën enveriste të përdorur në Kuvend. Unë jam e para”, shkruan deputetja në Facebook.
Postimi i deputetes ka ngjallur reagime të ndryshme. Shumë prej ndjekësve të saj janë të gatshëm ta ndjekim pas deputeten për këtë aleancë, por ka edhe nga ata të cilat i dalin kundër deputetes me një fjalor shumë fyes për një grua.
Ky postim i deputetes Halimi erdhi si pasojë e sherrit, akuzave dhe fyerjeve që deputeti Tulant Balla dhe ish-kryeministri Sali Berisha patën ditën e djeshme në Komisionin Hetimor për CEZ. Në komision Berisha ka injoruar kryetarin e komisionit,Taulant Ballën duke e quajtur atë shpifës dhe se para tij nuk mund të betohej , pasi ishte dënuar me vendim të formës së prerë nga gjykata.
Balla ju përgjigj se është thirrur për të dhënë llogari për paratë e CEZ-it dhe jo të Shkëlzenit. Berisha e injori Ballën në çdo pyetje që ai i bënte duke i cilësuar të gjitha si shpifje. Berisha e ka quajtur Ballën “me nder shpifës” dhe “grumbull shpifjesh”
Discussion about this post