Pas përfundimit të mbledhjes me ambasadorin amerikan në Shqipëri, Donald Lu, kryetari i Partisë Demokratike, Lulzim Basha, ka një kërkesë konkrete për kryeministrin Edi Rama sa i përket paketës “McAllister Plus”.
Burime për “Shuplaka” bëjnë me dije se pas takimit me Lu, kryetari i opozitës ka konfirmuar pranimin e propozimit të SHBA-ve dhe i kërkon kryeministrit Edi Rama që të konfirmojë publikisht pranimin e propozimit amerikan dhe nisjen e punës për zbatimin e saj.
Ndërkaq, pas takimit kokë më kokë me Bashën në selinë e PD-së, ambasadori amerikan ka shkuar në Kryeministri për një takim me Ramën.
“Duke konfirmuar pranimin e plotë të propozimit të integruar, ju bëjmë thirrje që edhe ju të konfirmoni publikisht pranimin pa kushte të propozimit të SHBA, për t’i hapur rrugë zbatimit të kësaj pakete me qëllim garantimin e kushteve për një proces zgjedhor të lirë dhe të ndershëm për qytetarët shqiptarë.”, shkruan ndër të tjera Basha në letër.
(XH.A/SHUPLAKA)
Discussion about this post