Presidenti i Filipineve, Rodrigo Duerte, ka urdhëruar agjencitë qeveritare në vend që të ofrojnë kontraceptivë falas për rreth 6 milionë gra në Filipine, të cilat nuk kanë mundësi t’i blejnë kontraceptivët.
Ky urdhër i tij sfidon rregullat e Kishës Katolike Romake që pritet të kundërshtojë ashpër. Lidhur me këtë urdhër ekzekutiv, presidenti tha se synon të reduktojë numrin e shtatzënive të padëshiruara, veçanërisht në radhët e të varfërve.
Paraardhësi i Rodrigo Duerte luftoi për vite me radhë për të kaluar ligjin që shtyn përdorimin e kontraceptivëve, por Gjykata e Lartë vendosi një ndalim të përkohshëm për shpërndarjen e kontraceptive në bazë të ligjit në vitin 2015.
Kjo deklaratë e presidentit Rodrigo Duerte vjen pas asaj të pak ditëve më parë kundër kryebashkiakëve të korruptuar, të cilët ai i kërcënoi se do t’i vrasë. (XH.A/SHUPLAKA)
Discussion about this post